ओलीको पोष्टमा बालेनको कमेन्ट – निर्वाचन आयोगमा उजुरी

ललितपुर । राष्ट्रिय स्वतन्त्र पार्टी (रास्वपा) का वरिष्ठ नेता बालेन शाहविरूद्ध निर्वाचन आयोगमा उजुरी परेको छ ।

बालेनले एमाले अध्यक्ष केपी शर्मा ओलीको स्ट्याटसमा गरेको कमेन्ट निर्वाचन आचारसंहिता, प्रचलित कानून तथा लोकतान्त्रिक निर्वाचन प्रक्रियाविपरीत घृणात्मक, भ्रामक अभिव्यक्ति दिएको आरोप लगाउँदै निर्वाचन आयोगमा उजुरी परेको हो । आयोगमा धर्मराज तिमिल्सिनाले सो उजुरी दिएका हुन् ।

उजुरीमा बालेनले कमेन्टमा प्रयोग गरेको ‘७६ जना बच्चाको हत्यारा, आतंकवादी, देश जलाउने’ जस्ता शब्दहरू गम्भीर र तथ्यहीन आरोप भएको दाबी गर्दै यसले राजनीतिक दलप्रति जनघृणा फैलाउने र मतदाताको मानसिकता भ्रम उब्जाउने उल्लेख गरिएको छ ।

उजुरीमा नेपालको संविधान, निर्वाचन आचारसंहिता र प्रचलित कानूनले निर्वाचन अवधिमा भ्रामक सूचना, घृणात्मक अभिव्यक्ति तथा अपुष्ट आरोप प्रयोग गरी मतदातालाई प्रभावित पार्न निषेध गरेको स्मरण गराउँदै सो अभिव्यक्तिको तथ्यपरक छानबिन गरी आचारसंहिता विपरीत ठहर भएमा आवश्यक कारबाही गर्न माग गरिएको छ ।

आइतबार ओलीले लेखेको स्टाटसमा कमेन्ट गर्दै बालेनले ७६ जना बच्चाको हत्यारा र उसको मतियारसँग एउटै मञ्चमा उभिनु भनेको म पनि त्यसमा सामेल भएको बुझिने भन्दै बहसमा नबस्ने बताएका छन् ।

बालेनले लेखेका छन्- ‘आफूलाई देश जलाउनेको रूपमा स्वीकारेको ठिकै छ, हुन पनि नेताहरूको घर कता कता छन् तपाईंहरूलाई नै थाहा थियो ! तपाईंहरूले आफैं २३ गते बच्चाहरू मारेको आतङ्कवाद लुकाउन २४ गते जलाएको हो ! आफूलाई आतङ्कवादी चाहिँ कहिले स्वीकार्ने हो ? त्यो पछि अरू कुरा गरौँला ! ७६ जना बच्चाको हत्यारा र उसको मतियारसँग एउटै मञ्चमा उभिनु भनेको म पनि त्यसमा सामेल भएको बुझिनेछ।’

यस अघि भावि प्रधानमन्त्रीको उम्मेदवारका रुपमा चुनावमा होमिएका नेताबिच पब्लिक डिबेट हुनुपर्ने माग भइरहेको समयमा ओलीले यसका लागि आफू तयार भएको बताएका थिए ।

थप समाचारहरु

कोरोना कहर: विश्वभर ३० लाख बढीको मृत्यु, १४ करोड बढी संक्रमित भारत: २४ घण्टामा ३ लाख १४ हजार भन्दा बढी कोरोना संक्रमित थपिए, २१०० भन्दा धेरैको गयो ज्यान राम्रो काम गर्ने कर्मचारीलाई दण्डित गर्ने काम भयो : शक्तिबहादुर बस्नेत प्रधानमन्त्रीद्वारा शिक्षकका मागबारे सम्बन्धित मन्त्री र सचिवहरुसँग छलफल रास्वपाको महाधिवेशन आगामी फागुनमा कानुन समितिको वार्षिक प्रतिवेदन पारित, आगामी संसद् बैठकमा पेस हुने सहिदका सपना पूरा गर्ने अध्यक्ष दाहालको प्रतिबद्धता गणतन्त्र दिवस मूल समारोह समिति गठन रवि लामिछानेको बन्दी प्रत्यक्षीकरणको रिट हेर्दाहेर्दैमा नीति र विचारका आधारमा मात्रै कम्युनिष्ट एकता हुनुपर्छः अध्यक्ष दाहाल मुख्यमन्त्री लामाले दिए पदबाट राजीनामा राष्ट्रपतिसँग प्रधानमन्त्रीको भेट विप्लव, शर्मा र भुसालबीच सहकार्य गर्ने सहमती – माओवादी केन्द्र यथावत् राख्न माग गर्दै निर्वाचन आयोगमा निवेदन आफूले केन्द्रीय सदस्य जित्ने समावेशी (थारु ) तर्फकी उम्मेदवार शान्ता चौधरीको दाबी  रवि लामिछानेलाई रिहा गर्न उच्च अदालत तुलसीपुरको आदेश निर्वाचन आचारसंहिता स्वीकृत कांग्रेसको दोस्रो विशेष महाधिवेशन आजबाट : उपत्यकाका ६ स्थानबाट जुलुस निकालिँदै रमेश लेखकको टिकट खोसियो