कक्षा १२ को नतिजा प्रकाशित

काठमाण्डौ १७ भदौ २०७९

कक्षा १२ को नतिजा आज अपरान्ह प्रकाशन भएको छ। राष्ट्रिय परीक्षा बोर्डको बैठकले कक्षा १२ को नतिजा प्रकाशन गर्ने निर्णय गरेको बोर्डका अध्यक्ष महाश्रम शर्माले बताए। नतिजा ग्रेडिङ पद्धती अनुसार प्रकाशित गरिएको हो। बोर्डले गत जेठ १६ देखि २५ गतेसम्म परीक्षा सञ्चालन गरेको थियो।

कूल तीन लाख ९६ हजार १८५ जना विद्यार्थी यसपालि परीक्षामा सहभागी थिए। चार लाख १० हजार ६८ जनाले परीक्षा फारम भरेका थिए।
कूल ४३ जनाको परीक्षा रद्द भएको थियो। जिपिए ३.६१ देखि ४ सम्म ल्याउने विद्यार्थी चार हजार एक सय ७९ छन्। साथै कम ल्याउने जिपिए १.६१ देखि २ ल्याउने विद्यार्थी संख्या ३५ जना छन्।

नतिजा https://neb.ntc.net.np/ मा क्लिक गरेर हेर्न सकिन्छ।