काठमाण्डौं विश्वविद्यालयको बीटेक. एडआईटी जनकपुरमा

काठमाडौं २६ फागुन २०७८।  काठमाण्डौं विश्वविद्यालयले जानकी कलेज फर प्रोफेशनल स्टडीजको सहकार्यमा मधेश प्रदेशको राजधानी जनकपुरधाममा ब्याचर अफ टेक्नीकल एजुकेशन ईन ईनफर्मेशन टेक्नोलोजी ( बीटेक. एडआईटी) नामक ४ वर्षे स्नातक कार्यक्रमको शुरुवात गरेको छ ।जनकपुरधाममा यसको औपचारिक घोषणा गर्दै प्रमुख अतिथी मुख्यमंत्री लालबाबु राउतले बीटेक. एडआईटीले मधेश प्रदेशलाई नेपालको प्राविधिक शिक्षाको केन्द्रका रुपमा विकसित गर्ने विश्पास व्यक्त गर्नुको साथै काठमाण्डौं विश्वविद्यालयलाई यसकोलागी धन्यवाद दिनु भयो । वहाले यस कार्यक्रमले सुचना प्रविधी जस्तो अपार संभावना रहेको क्षेत्रमा दक्ष जनशक्तिको उत्पादनले मधेश प्रदेसको विकासमा ठुलो टेवा पुग्ने बताउनु भयो ।

जानकी कलेजका अध्यक्ष पंकज जालानले अध्यक्षता गर्नु भएको कार्यक्रमका प्रमुख अतिथी मधेश प्रदेशका मुख्यमंत्री लालबाबु राउत हुनुहुन्थ्यो । सो कार्यक्रममा मधेश प्रदेशका महान्यायधिवक्ता दिपेन्द्र झा, जनकपुरधाम उपमहानगरपालिका मेयर लालकिशोर साह, विश्वविद्यालयको तर्फबाट स्कुल अफ एजुकेशनका डिन बालचन्द्र लुईटेल र स्टीम शिक्षाको हेड अफ द डिपार्टमेन्ट विनोद पतं लगायतको सहभागिता रहेको थियो ।जानकी कलेज नेपालको पहिलो आईटी कलेज लर्ड बुद्ध एजुकेशन फाउण्डेशनको सहयोगी संस्था हो ।

बीटेक. एडआईटी कार्यक्रमको उद्देश्य सुचना प्रविधीको क्षेत्रमा प्राविधीक शिक्षक तयार गर्नु रहेको छ ।चार वर्षे बीटेक. एडआईटीको कार्यक्रमलाई आठ सेमेस्टरमा विभाजित गरिएको छ । कार्यक्रमको कुल भार १३८ क्रेडिट आवर रहेको छ ।यो कार्यक्रम जनकपुरधामको पहिलो स्मार्ट विद्यालय अक्षर विद्या मन्दिरको परिसरमा सञ्चालन हुनेछ । यस कार्यक्रममा भर्ना हुने विद्यार्थीले इन्टर्नर्सिपकोलागी दोश्रो वर्षदेखि नै विद्यालयहरुमा अध्यापन गराउन जानुपर्ने छ । यसले अहिले नेपाल सरकारले सञ्चालन गरेको पढ्दै कमाउदै कार्यक्रमलाई पनि सार्थक तुल्याउने छ ।

चार वर्षे बीटेक. एडआईटीमा भर्ना हुनकोलागी कुनै पनि संकायबाट १२ कक्षा वा सो सरह वा सिटिइभीटीले सञ्चालन गरेको ३ वर्षे डिप्लोमा उत्तिर्ण गरेको हुनुपर्ने छ । विद्यार्थीहरुको छनौट काठमाण्डौं विश्वविद्यालयले सञ्चालन गरेको प्रवेश परिक्षाको आधारमागरिने छ ।कलेजका अध्यक्ष पंकज जालानका अनुसार मधेश प्रदेशको साक्षरता र शैक्षिक स्तरमा वृद्धि गर्नकालागि जानकी कलेजको स्थापना यस प्रदेशको शिक्षाको क्षेत्रमा नयाँ युग हुनेछ ।यो प्रदेशका जेहेन्दार विद्याथीहरुले जनकपुरधाममा नै बसेर काठमाण्डौं विश्वविद्यालयले सञ्चालन गरेको सुचना प्रविधीसगँ संबंधीत स्नातक स्तरको कार्यक्रममा पढ्न पाउने छन् ।