गायक दिनेशको नयाँ कोशली ‘मायाँ आफैं हुन्छ’ सार्बजनिक (भिडियो सहित)

काठमाण्डौ १६ असार, २०७७

गायक दिनेश गौतमको ‘मायाँ आफैं हुन्छ’ बोलको गीत सार्बजनिक भएको छ ।  राम भट्टराईको शब्द तथा बसन्त सापकोटाको संगीत गीतमा छ । गीतको भिडियोमा विनोद श्रेष्ठ र लक्ष्मी शर्मा फिचर्ड छन् । कलाकार तथा निर्माता दीपशिखा सिंह खड्काले निर्देशन गरेको भिडियोमा भेषबन्धु ढकालको छायांकन, विक्रमकुमार श्रेष्ठको सम्पादन छ ।

चर्चित गीत पैसा कस्ले बनायो ? बाट चर्चामा आएका गायक गौतम दुई दशकदेखी निरन्तर गीत-संगीतमा छन । पैसा, इश्वर, प्रजुसा, प्रभाब, शीतल, चुपचाप चुपचाप, लगायत ११ म्युजिक एल्बम सर्बजनिक गरिसकेका गौतमका पैसा कस्ले बनायो ? घर बनाउला बाँसै काटेर , फर्केर आएन मायाँलु ,इमान बेचिदिन्छ मान्छे, म मरिसकेपछि लगायत थुप्रै चर्चित गीतहरु पस्किसकेका छन । गौतमले थुप्रै नेपाली फिल्ममा आफ्नो सुमधुर आवाज दिई सकेका छन ।

साहित्यमा पनि कलम चलाउने गौतमको लेखनतर्फ पुस्तकप्रसादको नामले परिचित छन । फेरि गीत ,फेरि गजल (गीत, गजल संग्रह ) र ‘पुस्तक’ नामको गीत संग्रह प्रकाशित छन,। कविता गीत र गजलमा सशक्त कलम चलाउने गौतमले पैसा कसले बनायो गीत उनको आफ्नै लेखन, सङीत, र आवाजमा तयार भएको गीत बाट उनको चर्चा चुलिएको थियो । गजल गायनमा समेत उत्तिकै दमदार क्षमता र अब्बल दिनेश गौतम उर्फ ‘पुस्तकप्रसाद’ लाई लेखक संगीतकार तथा कुशल गायकको त्रीबेणी मान्न सकिन्छ ।