तिमी भित्र अहंकार बलेको छ आज (गजल )

तिमि भित्र अहंकार बलेको छ आज
मित्रताको धरहरा ढलेको छ आज

परिश्रमले चुलिएको प्यारो स्मारकमा
पथ्थरको शालिक पनि गलेको छ आज

दुनो सबको सोझै भयो फलिफाप सबको
नियतीले मलाई मात्रै छलेको छ आज

आगत तिम्रो आकाशियो विगत विर्सिदियौ
तिम्रै तालुमाथी आलु फलेको छ आज

पायौ साथ, हात तिमी विर्सिदियौ रात
चन्द्रविना औसी पनि चलेको छ आज

-नवराज तिमल्सीना, चितवन माडी