तीज गीतबाट चर्चामा आएकी गायत्रीको ‘हैरानै पारे भेनाले..’ युटुबमा

काठमाडौँ १ श्रावण

महिलाहरुको महान चाड हरितालिका तीज नजिकिँदै छ । तीज नजिकिएसँग तीज गीतहरुबाटै आफनो अलग्गै पहिचान बनाउन सफल गीतकार एव गायिका गायत्री थापा ब्यक्त हुन थालेकी छिन । ‘बर माग्छु शिवजी’, ‘सुनको चुरा’ र ‘माइती घरको झल्कोले परेली रुझायो’ जस्ता दर्शक श्रोताले अत्यन्त रुचाएका गीतका श्रष्ठा गायित्रीले यस बर्ष पनि‘ हैरानै पारे भेनाले..’ बोलको तीज गीत लिएर बजारमा आएकी छिन ।                                          गायत्री थापा र कोपिला छिनालको तीज गीत ‘हैरानै पारे भेनाले…’ अघिल्लो हप्ता सार्वजनिक भएको छ । गायत्री थापाको रचना रहेको यस गीतमा राजु सुनामले संगीत भरेका छन् । शिव दर्शन मिडियाले सार्वजनिक गरेको गीतको म्युजिक भिडियोमा हास्य कलाकारहरु कमल गाउँले, निरु खड्का, बल्छी ध्रुवे, रश्मी तामाङले अभिनय गरेका छन् । म्यूजिक भिडियोको निर्देशन विक्रम चौहानले गरेका हुन् ।