दक्षिण सुडानका उपराष्ट्रपति कोरोना पोजेटिभ

काठमाडौं ६ जेठ, २०७७

दक्षिण सुडानका उपराष्ट्रपति रिक माशर उनकी श्रीमती एजेलिना टोनी कोरोनाभाइरसद्वारा संक्रमित भएका छन् । एजेलिना दक्षिण सुडानकी रक्षामन्त्रीसमेत हुन् ।

माशर ६० वर्ष नाघिसकेका छन् । कोभिड–१९ टास्क फोर्सका एक सदस्यलाई कोरोनाको संक्रमण देखिएपछि उनको कोरोनाभाइरसको परीक्षण मे १३ मा गरिएको थियो ।

माशरका बडीगार्ड र कर्मचारीका केही सदस्यमा पनि कोरोना पोजेटिभ देखिएको छ ।

दक्षिण सूडानमा हालसम्म २ सय ९० संक्रमित छन् । यहाँ कोरोनाका कारण चारजनाको मृत्यु भइसकेको छ । BBC