दिपक थापाको ”इन्टरनेटमा “ युटुबमा हिट ( भिडियो सहित )

बिजनेसपाटी १० चैत्र 

युवाबर्ग लक्षित दिपक थापाको  ” इन्टरनेटमा “ बोलको गीतले बिस्तारै बजारमा तताउन थालेको छ । नेपालमा हुदा गित-संगीत नरुचाउने  थापाले हाल बिदेशमा बसेर थुप्रै गितहरु बजारमा ल्याएका छन् । उनको यस गीत भने शिवदर्शन फिल्मस् प्रालिले बजारमा ल्याएको हो  ।  संधै भेट हुन्थ्यो सानु हामी इन्टरनेटमा …कति हर्षित, कति खुसि, हुन्थ्यौं हामी … पहिलो पहिलो त्यो रमाइलो भेटमा …. समयको चालसंगै मानिसहरुको जिबनी चालहरु पनि परिवर्तन भएको छ त्यसैले यहि समयको चालसंगै गीत संगीतमा पनि परिवर्तन आउनु जरुरी छ  ।  इन्टरनेटको जमानाले बिश्व नै गाउ भैसकेको अहिले अवस्थामा गीत संगीतको माध्यमबाट त्यहि पुरानो जमानामा खुम्चिएर रहंदा कलाकारहरुले संगीत पारखी श्रोता तथा दर्शकहरु नयाँ-नयाँ संगीतको स्वाद लिने चाहनामाथि हमला हुन्छ । सोहि भएर यस गीतका प्रस्तुतकर्ता एवम् रचनाकार दिपक थापा धेरै युवापुस्ताको स्याबासीका पात्र हुन सक्दछन् ।

प्रस्तुत गीतमा बहुचर्चित गायक रामचन्द्र काफ्लेको र साथमा मनकुमारी सुनारको पनि सुमधुर आवाज रहेको छ । यस गीतमा शब्द दिपक थापा र संगीत मनकुमारी सुनारको रहेको छ । गीतको कथावस्तु अनुसार नै यस गीतको म्युजिक भिडियोलाई पनि निकै आकर्षक बनाउन खोजिएको छ । भिडियोमा अभिनय शुभम थापा र रिचाको रहेको छ भने निर्देशन दिलिप थापा र गायत्री थापाको रहेको छ ।म्युजिक भिडियोलाई छायांकन राहुल राई र सम्पादन प्रविन रेशमी मगरले गरेका हुन् ।