नाडेप लघुवित्तको ४ करोड ८० लाख रुपैयाँ बराबरको आइपिओ आउने

काठमाडौँ २० माघ

नाडेप लघुवित्त वित्तीय संस्थाले  साधारण सेयर ( आइपिओ ) जारी गर्ने भएको छ । कम्पनीले  एक सय रुपैयाँ अंकित दरमा ४ करोड ८० लाख रुपैयाँ बराबरको ४ लाख ८० हजार कित्ता सेयर  जारी गर्ने भएको हो ।

साधारण सेयर जारी गर्नको लागि कम्पनीले नेपाल धितोपत्र बोर्डमा माघ १७ गते निवेदन दर्ता गराएकाे  छ ।

कम्पनीको सेयर निष्कासन तथा बिक्री प्रबन्धक नबिल इन्भेष्टमेन्ट बैंकिङ्ग रहेको छ । धादिङको गजुरीमा प्रधान कार्यालय रहेको कम्पनीले  प्रधान कार्यालय सहित ४३ शाखा कार्यालयबाट लघुवित्त सेवा प्रदान गर्दे आइरहेको छ ।