नेइमारलाई करिब दुई करोडको कार उपहार

नोउ क्याम्प, १३ कार्तिक, एजेन्सी

बार्सिलोनासँग सन् २०२१ सम्म अनुबन्धित भएपछि ब्राजिलका स्टार स्ट्राइकर नेइमारका लागि क्लबको प्रायोजक अडीले नयाँ कार उपहारस्वरुप प्रदान गरेको छ।

विश्वमै महंगो मानिने अडी कारको आरएस७ नम्बरको मोडल उनलाई उपहारस्वरुप प्रदान गरिएको हो। यो कारको मूल्य १ लाख ६४ हजार ५ सय ९० डलर (ट्याक्सबाहेक १ करोड ७५ लाख ८७ हजार ८ सय २४ रुपैयाँ) रहेको छ। यही कार कम्पनीले पहिले क्लबका अर्का स्टार स्ट्राइकर अर्जेन्टिनाका लिओनल मेसीलाई उपलब्ध गराइसकेको छ। उरुग्वेका लुइस सुआरेजलाई पनि कम्पनीले अडीकै कार प्रदान गरेको थियो।

नेइमारलाई क्लबले यसै साता मेसीको तलब बराबरीमा अनुबन्ध गरेको थियो। उनले कार प्राप्त गरेपछि आफैले ड्राइभ गर्दै घरमा भित्रयाएको मिडियाले जनाएको छ