नेपाली मौलिक कौडा गीत “धौलागिरी हिमाल हाँसेको” युटुबमा

काठमाडौँ ३० चैत्र ।

 मौलिक  संस्कृतिमा आधारित रहेर शिबदर्शन डिजीटल प्रालिले कौडा गीत  बजारमा ल्याएको छ । दिलसारा काउचा मगरको प्रस्तुतिमा “धौलागिरी हिमाल हाँसेको” नामकरण गरिएको गीत बजारमा आएको हो । गायिका दिलसराले ” जलजला” सालैजो गीतको चौतर्फी सफलतापछी यस गीतलाई आम श्रोता-दर्शकहरुमाझ प्रस्तुत गरेकी हुन् ।

गीतमा गायिका दिलसरालाई गायक बाबुराम पन्थीलाई साथ दिएका छन् ।  गीतमा लय प्रह्लाद सुबेदीको हो भने शब्द गायिका दिलसरा स्वयंले सिर्जना गरेकी हुन् ।  दिलसराको यस सालैजो सांगीतिक कोसेलीले आफ्नै कला संस्कृति र मौलिक परम्परालाई यथास्थानमा राख्न महत्वपुर्ण भूमिका खेल्नेछ ।  गीतको म्युजिक भिडियोबाट पनि मौलिक  कला संस्कृति माथि टेवा पुग्ने विश्वास लिन सकिन्छ । भिडियोमा अभिनय निर्मल क्षेत्री र सरिश्मा मगरको रहेको छ भने निर्देशन गायत्री थापा, कोरियोग्राफर रबिन थापा, छायांकन करण चैंसिर र सम्पादन प्रविन रेशमी  मगरले गरेका छन् ।

भिडियो हेर्न तल क्लिक गर्नु होला ।