प्रतिसेयर आम्दानी अब्बल भएका केही कम्पनीहरु

काठमाडौं, १२ फगुन २०८१ । बैजसो कम्पनीले चालु आर्थिक वर्षको दोस्रो त्रैमासिक वित्तीय विवरण सार्वजनिक गरेका छन् । वित्तीय विवरणमा उल्लेख हुने प्रतिसेयर बढी आम्दानी (ईपीएस) सेयर लगानीकर्ताका लागि महत्वपूर्ण सूचक मानिन्छ ।

लगानीकर्ताको एक कित्ता सेयरवापत कम्पनीले गरेको आम्दानी नै प्रतिसेयर आम्दानी हो । कम्पनीले नाफा गरेको रकमलाई जारी भएको सेयर संख्याले भाग गरेपछि प्रतिसेयर आम्दानी निस्किन्छ ।

कम्पनी नाफामा रहेको अवस्थामा प्रतिसेयर आम्दानी जति धेरै, त्यति नै बढी प्रतिफल पाउने सम्भावना रहन्छ ।

त्यस्तै अहिलेसम्म प्रतिसेयर आम्दानीका आधारमा अब्बल १० कम्पनीमा ७ सेक्टरका एउटा पनि पर्न सकेका छैनन् । बैंकिङ, विकास बैंक, फाइनान्स, होटल तथा पर्यटन, अन्य, व्यापार, जीवन बीमा सेक्टरका एउटा पनि पर्न सकेको छैन ।

ईपीएसका आधारमा टप १० कम्पनीमा माइक्रोफाइनान्स सेक्टरका सबैभन्दा धेरै ४ वटा पर्न सफल भएका छन् । त्यस्तै दुई हाइड्रोपावर कम्पनी, एक लगानी, दुई उत्पादन र एक निर्जीवन बीमा कम्पनी छन् । हाल बजारमा सबैभन्दा धेरै प्रतिसेयर आम्दानी भएको कम्पनी युनिलिभर नेपाल हो । मूल्यका आधारमा पनि यो सबैभन्दा महँगो कम्पनी मानिन्छ ।

प्रतिसेयर आम्दानीका आधारमा अब्बल १० कम्पनी 

स्रोत : सार्वजनिक अपरिस्कृत दोस्रो त्रैमासिक वित्तीय विवरण