प्रधानमन्त्री प्रचण्डले आज राति भारतीय प्रधानमन्त्री मोदीसँग भेटवार्ता गर्ने

काठमाडौं :  आइतबार प्रधानमन्त्री प्रचण्डले भारतीय प्रधानमन्त्री नरेन्द्र मोदीलाई भेटवार्ता गर्ने भएका छन्।  ब्रिक्स सम्मेलनमा भाग लिन भारत पुगेका प्रधानमन्त्री प्रचण्डले भारतीय समकक्षी मोदीसँग आइतबार राति साढे ८ बजे भेट्ने कार्यक्रम छ। भेटवार्तामा दुई प्रधानमन्त्रीबीच सार्क शिखर सम्मेलनका विषयमा कुराकानी हुने बताइएको छ।  प्रधानमन्त्री प्रचण्डले शनिबार चिनियाँ राष्ट्रपति सि जिङ पिङ र भुटानका प्रधानमन्त्री छिरिङ तोग्वेसँग भेटवार्ता गरेका थिए।  प्रधामन्त्री प्रचण्डले बिमस्टेक सदस्य राष्ट्रका राष्ट्र/सरकार प्रमुखको बैठक एवं ब्रिक्स बिमस्टेक आउटरिच सम्मेलनलाई सम्बोधन गर्नेछन्।