प्रभु मनि ट्रान्सफरको दशैँ तिहार उपहार योजना,

बिजनेसपाटी १५ भाद्र

प्रभु मनि ट्रान्सफरले दशैतिहार लक्षित योजना सार्वजनिक गरेको छ । महान चाड दशै, तिहार र छठको उपलक्ष्यमा आफ्ना ग्राहक बर्गलाई लक्षित गरी प्रभु मनि ट्रान्सफरले ‘प्रभुसँग दशै, तिहार र छठको उमंग हर्षले सबै जना दंग’ नामको उपहार योजना ल्याएको हो ।

यस योजाना अन्तर्गत प्रभु मनि ट्रान्सफरबाट रकम ट्रान्सफर गर्ने आफ्ना ग्राहकहरुमध्ये लक्की ड्रबाट विजेता घोषणा गरी उपहार वितरण गरिने जनाइएको छ । जसमा प्रथम हुनेलाई पुरस्कारस्वरुप एलईडी टिभि हरेक हप्ता एक जनालाई प्रदान गरिनेछ । त्यस्तै, द्धितीय पुरस्कारको रुपमा एक महिनाको रिचार्जसहितको प्रभु टिभि सेट टप बक्स हरेक दिन एक जनालाई दिइनेछ ।

हरेक हप्ता तेश्रो पुरस्कार अन्तर्गत दुई जनालाई स्मार्ट फोन प्रदान गरिने प्रभुले जनाएको छ । साथै बम्पर पुरस्कारमा एक भाग्यशाली ग्राहकलाई पोखरा– मुक्तिनाथ–पोखरासम्म प्रभु हेलिकप्टर मार्फत यात्रा गराउने कम्पनीको योजना छ । यो योजना भदौ २५ गतेदेखि कात्तिक ९ गतेसम्म कायम रहने बताइएको छ ।