प्रिमियर लिगको खेलमा चेल्सी र लिभरपुलको जित

काठमाडौँ १६ असोज

एजेन्सी-प्रिमियर लिगको गयराति सम्पन्न खेलमा चेल्सी र लिभरपुलले जित हासिल गरेका छन्। चेल्सीले हल सिटिलाई र लोभरपुलले स्वान्सी सिटिलाई पराजित गर्दै अंकतालिकामा ३ अंक जोड्न सफल भएका छन्।  गयराति सम्पन्न खेलमा चेल्सीले हल सिटीलाई २-० गोलअन्तरले पराजित गर्न सफल रह्यो। चेल्सीलाई जित दिलाउने क्रममा विलियमले खेलको ६१ औँ मिनेटमा पहिलो गोल गरेका थिए भने डियगो कोस्टाले खेलको ६७ औँ मिनेटमा दोस्रो गोल गरे। यसपछि खेलमा थप गोल हुन सकेन र खेल चेल्सीले २-० गोलअन्तरले जित्न सफल रह्यो।
यस्तै, गयराति नै सम्पन्न खेलमा लिभरपुलले स्वान्सी सिटीलाई २-१ गोलअन्तरले पराजित गरेको छ। खेलको ८ औँ मिनेटमा नै स्वान्सीले अग्रता कायम गरेको थियो। स्वान्सीका लिरोए फेरले गोल गर्दै टोलीलाई अग्रता दिलाएका थिए। खेलमा लिभरपुलले बराबरीका लागि ५४ औँ मिनेटसम्म कुर्नु परेको थियो। खलको ५४ औँ मिनेटमा रोबर्टो फिर्मिनोले गोल गर्दै खेललाई बराबरीमा ल्याए। यसपछि खेलमा लिभरपुल थप एक गोल गर्न सफल भयो। लिभरपुलका लागि जेम्स मिल्नेरले ८४ औँ गोल गर्दै टोलीलाई जिततर्फ डोर्‍याएका थिए। यसपछि थप गोल हुन नसक्दा खेलमा लिभरपुल विजयी भयो।  यसैगरी गयराति सम्पन्न अन्य खेलमा सन्डरल्यान्ड र वेष्ट ब्रोमविच एल्बियोनबीचको खेल १-१ गोलअन्तर, वाटफोर्ड र बोर्नमाउथबीचको खेल २-२ गोलअन्तर, वेष्ट ह्याम युनाइटेड र मिडल्सब्रोगबीचको खेल १-१ गोलअन्तरको बराबरीमा टुङगिएको छ।