बर्नलीसँग वाटफोर्ड पराजित

एजेन्सी ११ लण्डन ।
इंग्लिस प्रिमियर लिग फुटबलमा बर्नलीले जित हासिल गरेको छ । सोमबार राती भएको खेलमा बर्नलीले वाटफोर्डलाई २ – ० ले हराएको हो ।
बर्नलीको घरेलु मैदानमा भएको खेलमा जेफ हेन्ड्रिक ३८ औं मिनेटमा गोल गर्दै घरेलु टोलीलाई अग्रता दिलाएका थिए । स्टेफन डेफोरले दिएको क्रस पासलाई हेड मार्फत गोल गर्दै हिन्ड्रकले गोल गरेका हुन् । पहिलो हाफसम्म १ – ० ले अग्रता लिएको बर्नली दोस्रो हाफको थप एक गोल गर्यो । खेलको ५० औं मिनेटमा स्टेफन डेफोरले दिएको पासलाई मिचेल केनले गोल गर्दै अग्रता दोब्बर बनाए । त्यसअघि वाटफोर्डका कप्तान टोरी डेनीले गरेका केही प्रहारलाई बर्नलीका गोलरक्षकले विफल पारेका थिए । त्यसपछि दुवै टोलीबाट थप गोल हुन् सकेन र खेल बर्नलीले २ – ० ले जित्यो ।
जितसंगै ३ अंक जोडेको बर्नली ७ अंक सहित लिगको १३ औ स्थानमा छ । पराजित वाटफोर्ड ७ अंक नै जोडेर लिगको ११ औ स्थानमा छ । लिगमा म्यानचेस्टर सिटि पहिलो, टोटनह्याम दोस्रो र आर्सनल तेस्रो स्थानमा छ ।