भारतको राष्ट्रपति भवनमा आगलागी

नयाँ दिल्ली २२ माघ

भारतको राष्ट्रपति भवनमा शुक्रबार आगलागी भएको छ। सरकारी उच्च अधिकारीहरुले आगलागीबाट कुनै मानविय क्षति नभएको बताएका छन्। स्थानीय समयअनुसार बिहान ८:४० मा लेखा शाखाबाट आगलागी सुरु भएको थियो। आगलागीका कारण टेबल, कुर्सीसहित केही फर्निचर जलेको भारतीय अधिकारीहरुले जानकारी दिएका छन्।  विद्युत् आपूर्तिमा भएको गडबडीका कारण आगलागी भएको हुन सक्ने प्रारम्भिक अनुमान रहेको छ। बेलायतले भारतमा शासन गरेको बेला बनाइएको सो भवनमा ३०० कोठा रहेका छन्। रासस