भूमाफियाद्वारा ८ हजार रोपनी अतिक्रमण

काठमाडौं २९,माघ  २०७७

भूमाफियाले मुलुकभर करिब ८ हजार रोपनाी सरकारी जमिन अतिक्रमण गरेको पाइएको छ । सरकारी, सार्वजनिक र गुठी जग्गासम्बन्धी संरक्षण र जाँचबुझ आयोगको अध्ययनअनुसार निजी गुठी, मठमन्दिर र सरकारी आयोजनाका लागि अधिग्रहण गरिएको जग्गा अतिक्रमणमा परेको हो । आयोगले भूमि अतिक्रमणसम्बन्धी २० वटा प्रतिवेदन तयार गरेर केही दिनमै प्रधानमन्त्रीलाई बुझाउँदैछ ।

‘काठमाडौँ लगायत मुलुकका विभिन्न स्थानमा भूमाफियाले करिब ८ हजार रोपनी अतिक्रमण गरेका छन्,’ आयोग स्रोतले भन्यो, ‘केही दिनमै प्रतिवेदन प्रधानमन्त्रीज्यूलाई बुझाउँछौ, सबै कुरा बाहिर आउँछ ।’

सरकारले १८ महिनाअघि पूर्वन्यायाधीश मोहनरमण भट्टराईको अध्यक्षतामा आयोग गठन गरेको थियो । त्यसले पहिलो चरणमा गत वर्ष नै १० वटा प्रतिवेदन बुझाइसकेको छ । आयोगको म्याद यही माघ मसान्तमा सकिँदैछ  ।

कहाँ–कहाँ अतिक्रमण ?

१. लक्ष्मीनारायण मन्दिर गुठी (काठमाडौँ)

२. लक्ष्मीनारायण मठ (रुपन्देही)

३. सरकारी जग्गा (सर्लाही)

४. बागेश्वरी गुठी (बाँके)

५. पुनर्वास कम्पनी (बाँके)

६. बाघभैरव सामुदायिक वन (मकवानपुर)

७. सुकुम्बासीका नाममा जग्गा (रौतहट)

८. बुट्यान क्षेत्र (भोजपुर)

९. सर्दु जलाधार क्षेत्र (सुनसरी)

आज कान्तिपुर दैनिकमा समाचार छ ।