मेसीले राष्ट्रिय टिमबाट सन्यासको घोषणा गरे

मेसीको कप्तानीमा पछिल्लो तीन वर्षमा अर्जेन्टिना दुई पटक कोपा अमेरिकाको फाइनलमा र विश्वकप फुटबलको फाइनलमा पराजित भएको थियो।गत संस्करणको कोपा अमेरिका फुटबलमा चिलीसँगै पेनाल्टी सुटआउटमा पराजित भएको अर्जेन्टिना सन् २०१४ को विश्वकप फुटबलको फाइनलमा जर्मनीसँग पराजित भएको थियो। लगातार दोस्रो पटक मेसीकै कप्तानीमा कोपा अमेरिका फुटबलको फाइनलमा पुगेको अर्जेन्टिना सोमबार चिलीसँगै दोस्रो पटक पेनाल्टी सुटआउटमै पराजित हुँदै उपाधि जित्न असफल भयो।