मोडल बिसमको शव्दमा “ओके छ त भाग २ झुम्के बुलाकी” सार्वजनिक

बिजनेसपाटी संबाददाता
सिड्नी,अस्ट्रेलिया ९ असार 

नेपाली गीत-संगीतको गायन विधा र बिभिन्न गीत-संगीत-म्युजिक भिडियोमा मोड्लिंग गरेर अशंख्य दर्शकहरुको मन जितेकी सिर्जु अधिकारी झुम्के बुलाकीको माग राख्दै बजारमा आएकी छिन् । उनले यो माग गायक अमृत खातीसंग राखेकी हुन् । तर यो माग सिर्जुले एक गीतको रोमान्चक कथावस्तुको माध्यमबाट मागेकी हुन् । गायनको विधाबाट अमृत खातीसंग उनले झुम्के बुलाकीको माग भएता पनि म्युजिक भिडियोको मध्यमबाट बिसम गौतमसंग सिर्जुले झुम्के बुलाकिको माग राखेकी छिन् ।
सिर्जु अधिकारी र अमृत खातीको संयुक्त प्रस्तुतिमा बजारमा आएको “ओके छ त भाग २ झुम्के बुलाकी” बोलको यस गीतमा सिर्जु अधिकारी र अमृत खातीको सुमधुर स्वर सुन्न सकिन्छ । यस गीतलाई शब्द बिसम गौतम र संगीत गायिका एवं मोडल सिर्जु स्वयम्ले  भरेकी छिन ।  कलाकार भएर सबै माझ परिचित भएपछी आफु भित्र लुकेका सबै कला निर्धक्कताको साथमा प्रस्तुत गर्न सक्नुपर्छ भन्ने मान्यता सिर्जुले राख्छिन् । सोहि क्रममा सिर्जुले बेला बखत आफ्नै संगीतमा पनि गीतहरु बजारमा ल्याउने गरेकी छिन् । तसर्थ उनि संगीतकार पनि हुन् । यस गीतको म्युजिक भिडियोलाई निर्देशन प्रकाश धितालले गरेका हुन् भने छायांकन उत्सब दाहाल र कोरियोग्राफी सुरेन्द्र बस्यालले गरेका छन् र यो गितलाई मायालु ईन्डरटेनमेन्टस् अस्ट्रेलियाले आफ्नो युट्युब च्यानल बाट सार्वजनिक गरेको छ।