रत्नराज्यलक्ष्मी क्याम्पसलाई इन्टर कलेज फुटसलको उपाधी

काठमाडौं ८ अशोज

   रत्नराज्यलक्ष्मी क्याम्पसले पवन प्रकृती कलेजलाई फाइनलमा १ का विरुद्ध ७ गोलले पराजित गर्दै उपत्यका स्तरीय इन्टर कलेज फुटसल प्रतियोगिताको उपाधी जितेको छ । नेकपा माओवादी निकट विद्यार्थी संगठन अखिल (क्रान्तिकारी)द्वारा आयोजित फुटसल प्रतियोगिताको विजयी टोली रत्नराज्यलक्ष्मी क्याम्पसले ५१ हजार नगद पुरस्कार प्राप्त गरेको क्रान्तिकारीका केन्द्रीय सचिवालय सदस्य नेता नरेश रेग्मीले बताए । बानेश्वर फुटसल तथा रिक्रीएसन सेन्टरमा आयोजित प्रतियोगितामा दोस्रो भएको पवन प्रकृती कलेजले ३१ हजार तथा तेस्रो भएको विश्वभाषा क्याम्पसले १५ हजार नगद पुरस्कार प्राप्त गरेको छ ।