लौ, हेर्नुस ‘सानुको नजरमा’ को पर्छ ?

काठमाडौँ २० फागुन ।

शिवदर्शन फिल्मस् प्रालिले फेरी अर्को धमाकेदार लोकदोहोरी गीत बजारमा आएको छ । छत्रे देउराली लोकदोहोरी गीतको चौत्तर्फी सफलता पछी सुजन तामाङको “सानुको नजरमा” बोलको गीतमा पछिल्लो समय नेपाली लोकदोहोरी गीत-संगीतको एउटा उत्कृष्ट पाटो काँठे भाका मार्फत सर्वप्रियता कमाउन सफल अर्चना स्याङतान र सुजन तामांगको सुमधुर स्वर लहरी सजिएको छ । यस गीतलाई लय पछिलो समयमा अत्यन्त ब्यस्त गायक एवम् सर्जक जनक लामा र शब्द सिर्जना देबेन्द्र लामिछानेको रहेको छ ।

लक्का जवानहरुको भिडमा , मलाई देख्दा छैन रे मन थिरमा…. त्रिसुली बजारमा …. धेरै हेर्दा मै पर्दो रैछु रे सानुको नजरमा …….  निकै रोमान्चक ढंगले तयार भएको यस गीतको म्युजिक भिडियोलाई पनि अझै रोमान्चक सैलीले तयार पारिएको छ । भिडियोमा पार्वती राई र बिक्रम चौहानले आफ्नो जादुमय अभिनय प्रस्तुत गरेका छन् । शिब दर्शन फिल्म्स प्रालिले निर्माण गरेको भिडियोलाई निर्देशन गायत्री थापाले गरेकी छिन्  र भिडियोका कोरियोग्राफर रबिन थापा हुन् भने छायांकन करण चैंसिर र सम्पादन सन्तोष रेशमी मगरले गरेका छन् ।