वाल गायक रिभवको म्युजिक भिडियो सार्वजनिक (भिडियो सहित)

काठमाडौ: २ असार २०७९

वनेपाको इन्नोभेटिभ एकेडेमीमा कक्षा २ मा अध्ययनरत रिभव सेवाचार्यको पहिलो वालगीत ‘सानो सानो मान्छे’ र उक्त गीतको म्युजिक भिडियो शुक्रवार सार्वजनिक भएको छ ।

सिर्फ सात वर्षको उमेरको यात्रामा छन् वनेपा चन्डेश्वरीका रिभव सेवाचार्य । साङ्गितिक माहोलमा जन्मेर हुर्कदै गरेको रिभव सेवाचार्यका बाबा वालकृष्ण सेवाचार्य स्वंममा म्युजिक अरेन्जर, गीत लेखक तथा संगीतज्ञको परिचय वनाई सकेका कला मर्मज्ञ हुन् भने उनकी आमा भावना थापा पनि सङ्गीतमा उत्तिकै रुची राख्छिन् ।

वाल गायक रिभवको गीत तथा म्युजिक भिडियो उनकै बाबा सस्थापक तथा म्युजिक अरेन्जर रहेको म्युजिक कम्पनी Flutter Studio ले सार्वजनिक गरेको छ ।

‘सानो सानो मान्छे’ वोलको उक्त गीतको शब्द रचना इलाज प्रसाई तथा वालकृष्ण सेवाचार्यले म्युजिक अरेन्ज गरेका छन् भने म्युजिक भिडियो छायाङ्कन तथा सम्पादनमा अशोक रन्जीत साथै वालकृष्ण सेवाचार्यको निर्देशन रहेको छ । म्युजिक भिडियोमा अभिनय गर्ने कलाकारमा गायक रिभव स्वयम तथा लिया बादे रहेका छन् ।