सनराइज बैंकको नयाँ शाखा हेटौँडामा

हेटौँडा १७ जेस्ठ
सनराइज बैंक लिमिटेडले हेटौँडामा नयाँ शाखा खोलेको छ । बैंकले हेटौँडाको कान्तिराजपथमा आफ्नो ७० औं शाखाबाट बुधबारदेखि कारोबार सुरु गरेको हो ।

नेपाल राष्ट्र बैंक क्षेत्रीय कार्यालय वीरगन्जका प्रमुख धनञ्जय शर्मा र हेटौँडा उपमहानगरका मेयर हरिबहादुर महतले संयुक्त रुपमा शाखाको उद्घाटन गरेका हुन् ।

औद्योगिक नगरी हेटौँडामा स्थापना हुने उद्योग, कलकारखाना, व्यवसायिक एवम् कृषि क्षेत्रलाई विशेष प्राथमिकतामा राखेर सेवा प्रदान गर्ने प्रमुख कार्यकारी अधिकृत बज्राचार्यले बताए । हाल बैंकले ६० अर्ब निक्षेप संकलन र ५२ अर्ब कर्जा प्रवाह गरेको जनाइएको छ ।