स्वास्थ्य उपचारका लागि डा भोला रिजालको टोली शुक्रबार सप्तरी जाने

जिल्ला प्रशासन कार्यालय सप्तरीको समन्वयमा १५ जनाको टोलीले सप्तरीको तिलाठी गाविसको रम्पुरामल्हनियाँ, सकरपुरा, बेल्ही गाउँका बिरामीको स्वास्थ्य उपचार गर्ने वरिष्ठ चिकित्सक तथा नाक, कान, घाँटी रोग विशेषज्ञ डा अनिलकुमार झाले जानकारी दिए।

सो क्षेत्रका स्थानीयवासीमा विशेषगरी ज्वरो आउने, कान दुख्ने, आँखा पाक्ने, झाडापखालालगायत बालबालिका र गर्भवती महिलाको स्वास्थ्यमा समस्या देखिएको हो।

शुक्रबार र शनिबार दुई दिनसम्म चल्ने स्वास्थ्य परीक्षणमा स्त्रीरोग विशेषज्ञ डा रिजाल, डा झा, डा रमेशप्रसाद सिंह, डा नीरज पन्तसहितको टोली सहभागी हने छ।  स्वास्थ्य उपचारका क्रममा बिरामीको शल्यक्रिया गर्नुपर्ने अवस्था देखिएमा काठमाडौँमा ल्याई निःशुल्क शल्यक्रिया गर्ने योजना रहेको डा झाको भनाइ छ। रासस