८ अर्ब पुर्याउन मेगा बैंकले भित्र्यायो टुरिज्जम डेभलपमेन्ट बैंक
काठमाडौं ७ माघ
मेगा बैंक लिमिटेड र टुरिज्जम डेभलपमेन्ट बैंक मर्ज हुने भएका छन् । मेगा बैंक सञ्चालक समितिका अध्यक्ष भोजबहादुर शाह र टुरिज्जम डेभलपमेन्ट बैंक सञ्चालक समितिका अध्यक्ष प्राडा पुष्पराज कँडेलले मर्ज गर्ने सम्बन्धमा सैद्धान्तिक सहमतिपत्रमा हस्ताक्षर गरेका छन् ।
मर्जरपछि बैंकको नाम मेगा बैंक नेपाल लिमिटेड हुने भएको छ । सहमति अनुसार शेयर स्वाप रेसियो १००: ९५ तय गरिएको छ । मर्जर भएपछि मेगा बैंकका अध्यक्ष र प्रमुख कार्यकारी अधिकृतले नै निरन्तरता पाउने समेत सहमति भएको छ।
हालको मेगा बैंकको चुक्ता पुँजी ४ अर्ब १ करोड रुपैँयाँ, १ एक्स्टेन्सन काउण्टर सहित शाखा संख्या ४० तथा ४७ वटा एटिएमहरु रहेको छ । टुरिज्जम डेभलपमेन्ट बैंकको हालको चुक्ता पुँजी ९१ करोड ९७ लाख रुपैँयाँ, १ एक्स्टेन्सन काउण्टर सहित शाखा संख्या २३ तथा १२ वटा एटिएमहरु रहेको छ ।
फेसबुकबाट तपाईको प्रतिक्रिया