उसेन बोल्टले बनाए ओलम्पिकमा स्वर्णको अर्को रेकर्ड

काठमाडौं ४ भदौ ।

रियो ओलम्पिकमा जमैकन धावक उसेन बोल्टले कीर्तिमानी तेस्रो स्वर्ण जितेका छन् । यससँगै उनले लगातार तीन ओलम्पिकमा तीन स्वर्णको कीर्तिमान बनाएका छन् ।

बोल्टको प्रेरणामा जमैकाले शनिबार रियो ओलम्पिकको ४ गुणा १०० मिटर रिलेमा स्वर्ण जितेको छ । उनले १०० मिटर र २०० मिटरमा स्वर्ण जितिसकेका थिए । २००८ को बेइजिङ र २०१२ को लण्डन ओलम्पिकमा पनि बोल्टले तीन वटै स्पर्धामा स्वर्ण जितेका थिए ।