गायक दिनेश गौतमको साँगितिक क्यारियरमा कम्ब्याक (भिडियो सहित)

अरुण गौतम

सिड्नि,अस्ट्रेलिया २७ कार्तिक

करिब ६ वर्षको अन्तराल पछी चर्चित गायक दिनेश गौतम आफ्नो म्युजिकल करियरमा कमब्याक भएका छन्।
बाराको निजगढ घर भएका गौतमले गत आईतबार “फर्केर आएन मायालु” बोलको गित सार्वजनिक गरेका छन्।

यो गितमा शब्द पुस्तक प्रसादको हो र संगित पनि उनैको रहेको छ। गायक दिनेश गौतमले यी मिठा शब्दहरुमा आफ्नो स्वर भरेका छन्।सुनिरहौं लाग्ने सो गित धेरैले मन पराउने अनुमान लगाउन सकिन्छ। निसान कास्यपले निर्देशन गरेको सो गीतको म्युजिक भिडियोलाई उत्सव ढकालको छायाँकन र बिकाश दाहालले सम्पादन गरेको गितमा नाजिर हुसेन र श्रिस्ठी खड्काको दमदार अभिनय देख्न सकिन्छ।

करिब दुई दशक भन्दा लामो सांगितीक यात्रामा समर्पित गौतमले देश तथा बिदेशहरुमा दर्जनौँ सांगितिक कार्यक्रमहरुमा आफ्नो जोडदार प्रस्तुती दिंदै आएका छन । सामाजिक कार्यमा उत्तिकै रुचि राख्ने गायक गौतमले दर्जनौँको सँख्यामा गीतहरु गाएका छन भने एघार वटा एकल एल्बम निकाली सकेका छन ।
उनका ‘म ईश्वर भएको भए’, ‘इमान बेचिदिन्छ मान्छे’, ‘छाती भित्र पतझड राखेको छु’, ‘हो यस्तै रहेछ माया’ लगायतका जस्ता चर्चित गितहरु पस्किसकेका छन्।

भिडियो हेर्न लिँकमा क्लिक गर्नुहोस्।