नेपाल इन्फ्रास्ट्रक्चर बैंकको ८ अर्बको शेयर निष्काशन गर्ने प्रस्ताव पारित

काठमाडौं ४, मंसिर२०७७ ।

नेपाल इन्फ्रास्ट्रक्चर बैंकको वार्षिक साधारणसभाले ८ अर्ब रुपैयाँ बराबरको आइपिओ निष्कासन गर्ने प्रस्ताव पारित गरेको छ । बैंकको बुधबार सम्पन्न सभाले उक्त प्रस्ताव पारित गरेको हो ।

यससँगै पूर्वाधार विकास बैंकको रुपमा स्थापना भएको नेपाल इन्फ्रास्ट्रक्चर बैंकको अहिलेसम्मकै ठूलो रकम बराबरको आइपिओ आउने निश्चित भएको हो । यस बैंकले अहिलेसम्म ८ अर्ब ८५ करोड बराबरको कर्जा लगानी गरेको छ ।

वार्षिक साधारण सभाले आर्थिक बर्ष २०७६-७७ कोे सञ्चालक समितिको प्रतिवेदन र उक्त अवधिको वित्तीय विवरणहरु सर्वसम्मतिले पारित गरेको छ ।