पैसाबारेको गीतबाट चर्चामा आएका गायक दिनेशको ‘पैसाकै लागि बाँच्छ मान्छे’ भिडियो सार्वजनिक

बिजनेसपाटी २२ कार्तिक

पैसा कसले बनायो गीतबाट चर्चामा आएका गायक दिनेश गौतमको ‘पैसाकै लागि बाँच्छ मान्छे’ बोलको अर्को पैसा सम्बन्धी गीत सार्वजनिक भएको छ । पुरुषोत्तम बस्नेतको शब्द, पुस्तक प्रसादको संगीत रहेको यस गीत बस्नेतको चौंथो एल्बम कयामुदामा समावेश छ ।

यस गीत प्रज्ञा साउन्ड स्टुडियोमा रेकर्डिङ भएको हो । यस गीतको संयोजन दिनेश सुनामले गरेका हुन् ।

भिडियोलाई कलाकार निरु खड्काले निर्देशन गरेकी छन् । यसमा सितादेवी घिमिरे, निरु खड्का, कृष्ण रसाईली, सुष्मा, प्रकाश र स्तुती गौतमको अभिनय रहेको छ ।

सागर गौतमको छाँयांकन र प्रविण श्रेष्ठको सम्पादन रहेको यस गीत पैसाका लागि बुहारीले सासूलाई वृद्धाश्रम जान बाध्य पारेको र नातिनीले उनलाई घरमा ल्याएको, पैसाका लागि नारी अस्मितामा खेलवाड गरेको दृष्य देखाइएको छ ।

भिडियो सहित