प्रभु बैंकको १० लाख इकाई ऋणपत्र नेप्सेमा सूचीकृत

काठमाडौं ६ माघ

प्रभु बैंकको कार्तिक २१ गतेदेखि कार्तिक २७ गतेसम्म बिक्री गरेको ‘प्रभु बैंक डिबेन्चर २०८६’ को १० लाख इकाई ऋणपत्र नेप्सेमा सूचीकृत भएको छ । बैंकको सो ऋणपत्र सोमबार नेप्सेमा सूचीकृत भएको हो ।

बैंकले निष्काशनमा ल्याएको कूल १० लाख इकाईमध्ये ४ लाख इकाई सर्वसाधारणमा जारी गरिएको थियो भने ६ लाख इकाई बैंकले व्यक्तिगत तरवबाट संघ संस्थालाई बिक्री गरेको थियो ।

बैंकले जारी गर्ने १० वर्षे अवधिको ऋणपत्रमा लगानीकर्ताले वार्षिक १०.२५ प्रतिशतका दरले अर्धवार्षिक रुपमा ब्याज भुक्तानी पाउनेछन् ।