बलिउड अभिनेत्री दीपिका पादुकोण नेपाल आउँदै !

बिजनेसपाटी २१ माघ
बलिउड अभिनेत्री दीपिका पादुकोण नेपाल आउने भएकी छिन् । उनी मार्च पहिलो साता काठमाडौं आइपुग्ने कार्यक्रम छ । उनका साथमा अभिनेता इरफान खान पनि हुनेछन् । दीपिका र इरफानको नेपाल यात्रा घुमफिरका लागि भने होइन । उनीहरू फिल्म सुटिङका लागि आउँदै छन् । विशाल भारद्वाजले निर्देशन गर्ने फिल्मका लागि उनीहरू नेपाल आउन लागेका हुन् । भारद्वाजले सामाजिक संजाल मार्फत भनेका छन् छन्, ‘यो नयाँ विषयमा काम गर्ने कुराले उत्साहित छु ।’ फिल्मको नाम भने तय भइसकेको छैन । दीपिकाले अभियन गरेको संजयलीला भंसालीको फिल्म पद्यमावत भने विवादमा तानिएको थियो ।