म एक किसान

नन्दलाल खरेल

म एक किसान दश नङग्रा खियाई गर्छु उत्पादन
तर मोल तोक्छ हामीलाई हेयाएर अर्कै वडेमान

म एक किसान धाम,पानी, हावा, हुरी नभनी गर्छु काम
खर्च उठाउन मुस्कील छ सबै वेची दाम

म एक किसान कहिल्यै पाउदीन राज्यको अनुदान
तर वजेटमा छुट्याइन्छ हामीलाई भनेर अरवौं दान

म एक किसान पशुपालनमा रमाउछु साँझ विहान
खान्छु मोही वेच्छु् घीउ गरीबलाई गर्छु अन्न दान

म एक किसान मुस्किलले जान्छु वर्षमा एक पटक शहर
तर पुरा गर्न सक्दिन वच्चा वच्चीका सबै रहर

म एक किसान धान्नु छ सबै संस्कृति परम्परा
तर मर्ने वेला सम्म पनि पाउदीन कसैको सहरा

म एक किसान गरेन हामीलाई लोकतन्त्र गणतन्त्रले सम्मान
सम्मानको सट्टा पायौं हामीले पटक पटक अपमान

राज्यका सबै कर्मचारीको हुन्छ पेन्सन
तर जती गरे पनि मात्र हुन्छ हामीलाई टेन्सन

प्रकासित मिति २०७८–३–८