संगीतकार अनुरागीको ‘तिमिलाइ त जहाजमा उडेपनि पुग्छ’ भिडियोमा

बिजनेसपाटी २० जेष्ठ
वरिष्ठ संगीतकार एवं गायक बीबी अनुरागीको आधुनिक गीत ‘‘तिमिलाइ त जहाजमा उडेपनि पुग्छ’ ’ भिडियोमा आएको छ । यस गीतको भिडियो हालैमात्र युटुब मार्फत सार्वजनिक गरिएको हो । केही महिना अघि अडियोको रुपमा सार्वजनिक यस गीत धेरै श्रोताहरुले मन पराएपछि भिडियोमा समेत ल्याइएको हो । बीबी अनुरागीको स्वर तथा संगीतमा सजिएको यस गीतको रचना सुमन श्रापितले गरेका हुन् । गीतको भिडियोमा लोकगायिका सुनिता गुरुङ र सुजन रेग्मीले दमदार अभिनय गरेका छन् । “मेरी प्यारी” एल्वममा रहेको यस गीतको उत्पादक तथा वितरक ओपल अडियो भिडियो रहेको छ । गीतको सम्पादन पवन सिंखडाले गरेका हुन् भने निर्देशन सुदिप बराले गरेका छन् ।