सोना अमात्यको नयाँ गीत ‘सोच बेलैमा’ (भिडियो सहित)

काठमाडौँ १८ बैशाख २०७८
सोना अमात्यको नयाँ गीत “मेरो माया करोडमा”े बजारमा राप सेलाउन नपाउँदै यो साता १३ गते सोमबारको दिन अर्को डान्सीङ नम्बरको गीत ‘सोच बेलैमा’ एक कार्यक्रमको आयोजना गर्दै लोकापर्ण गरिएको छ ।
एड एजेन्सी फुल सर्कलकी सीईओ समेत रहेकी सोनाले ‘मेरो माया’ एल्बम अन्तर्गतको सिंगल गीत सार्वजनिक गरेकी हुन् । उनले आउँदो दिनमा यसका गीतहरुलाई सार्वजनिक गर्दै जाने र एल्बममा संग्रहित गर्ने समेत बताएकी छिन् । सानै उमेर देखि गीत संगीतमा मोहित रहेकी गायिका सोना अमात्यको “सोच बेलैमा“ गीतलाई आरजे, भिजे नायक विवेकसिंह ठकुरीले आफ्नो स्वर प्रदान गर्दै साथ दिनु भएको छ । सोना अमात्यकै संगीत प्रशिक्षक शशि विक्रम थापाको शब्द संगीतमा रहेको गीतमा सोना र विवेकको साथमा गरिमा शर्मा, गोविन्द सिंह विष्टको मोडलिंग छ । गम्बिर विष्टद्वारा निर्देशित उक्त भिडियो बजारमा आएको एकदिनमै १० लाख दर्शक पाउन सफल भएको छ । नवराज उप्रेतीको छायाँकन रहेको भिडियोमा सुरेन बसेलको कोरियोग्राफी छ । भिडियोलाई सोनाकै आधिकारिक युटुब च्यानल “क्यललब ब्mबतथब”बाट सार्वजनिक गरीएको छ । सोनाले यसअघि ‘मेरो माया करोडमा’ गीत ल्याएकी थिइन् र यो भन्दा अगाडीको गीत करोडमाको टिकटकका प्रतियोगिताहरुलाई पुरस्कार वितरणबाट सुरु गरिएको कार्यक्रमको प्रमुख आतिथ्य सम्पूर्ण मिडियाहरुले गर्नुभएको थियो ।