१७ अंकले बढ्यो नेप्से, १० प्रतिशतले शेयरमूल्य बढ्ने यस्ता छन कम्पनी

बिजनेसपाटी १ भदौ 

आज बुधबार नेप्से परिसुचक १७ दशमलव ६१ अंकले बढेको छ ।  बुधबारको कारोबारमा ५  कम्पनीका लगानीकर्ताले १० प्रतिशतको हाराहारीमा कमाएका छन् ।बजार खुल्नासाथ उकालो लागेको नेप्से १७४१ अंक पार गरेर फर्किएको हो ।  बजारमा आज १४५ कम्पनीको एक अर्ब ७ लाख रुपैयाँ बराबरको  किनबेच भएको छ । आजको कारोबार भने अधिल्लो दिनको तुलनामा ६ करोड रुपैयाँले घटेको छ ।

आज बीमा समुहको सुचक सवैभन्दा बढी १०३ अंकले उकालो लागेको छ भने  होटल समुह ६१, विकास बैंक २६, वािणज्य बैंक १६, जलविद्युत १५ र अन्य समुहको सूचक ६ अंकले उकालो लागेको छ । आज उत्पादन समूह भने साढे ८ अंकले घटेको छ ।

आज नेपाल बंगलादेश बैंकको सवैभन्दा बढी करिब ७ करोडको शेयर कारोवार भएको छ । लुम्बिनी जनरलको ५ करोड २१ लाख, इन्भेष्टमेन्ट बैंकको ४ करोड ६१ लाखको कारोबार आज भएको छ । नेपाल लाइफ र सिद्धार्थ बैंकको पनि ३ करोड बढीको शेयर खरिदबिक्री भएको छ ।

बुधबारको बजारमा पाँच कम्पनीको शेयरमूल्य दश प्रतिशतको हाराहारीमा बढेको छ ।  राप्तिभेरी, सिद्धार्थ डेभलपेमन्ट बैंक,प्रोगेशिभ फाइनान्स,हाम्रो विकास बैंक, र गुह्ेश्वरी मर्चेन्ट फाइनान्सको शेयरमूल्य १० प्रतिशतको हाराहारीमा बढेको छ । ,हिमालयन जनरल इन्स्योरेन्स,रिडी हाइड्रो, एनबी इन्स्योरेन्स लगायतका कम्पनी धेरै कमाउनेको सूचीमा परेका छन् ।

आज बुधबार लक्ष्मी भ्यालु फण्ड एकका लगानीकर्ताले सबैभन्दा धेरै गुमाएका छन् भने  बजारमा युनियन फाइनान्स,नेपाल कम्युनिटि डेभलपमेन्ट बैंक, एभरेष्ट बैंक कन्भर्टिवेल शेयर, मिथिला लघुवित्त, सिनर्जी फाइनान्स लगायतका लगानीकर्ताले धेरै गुमाएका छन्