एनएमबि बैंकको सेयरमूल्य समायोजन

बिजनेसपाटी १८ श्रावण 

नेप्सेमा बिहीबार एनएमबि बैंकको सेयर मूल्य समायोजन भएको छ । बैंकले साधारणसभाका लागि प्रस्ताव गरेको १५ प्रतिशत बोनसपछिको सेयर मूल्य समायोजन भएको हो ।

नेप्सेले बैंकको समायोजित सेयरमूल्य प्रतिकित्ता ३१७ रुपैयाँ ३९ पैसा रुपैयाँ निर्धारण गरेको छ । १८० दिनको सेयर कारोबार मूल्यका आधारमा औसत आधारमूल्य ३९१ रुपैयाँ ७० पैसा कायम भएको जनाएको छ । बिहीबारदेखि एनएमबिले साधारणसभाका लागि सेयरधनी किताब बन्द गरेकाले बुधबारसम्म कायम सेयरधनीले मात्र बोनस पाउनेछन् ।बैंकले साउन ३१ गते स्टाफ कलेज जावलाखेलमा बार्षिक साधारणसभा आह्वान गरेको छ ।