सेयर बजार परिसूचक नेप्से र कारोबार रकम दुवै बढ्यो

बिजनेसपाटी १६ श्रावण

आज सोमबार सेयर बजार परिसूचक नेप्से र कारोबार रकम दुवै बढेको छ । आज नेप्से परिसूचक ९.४१ अंकले बढेर १६५२.६९ को उचाईमा पुगेको छ । आज १५५ कम्पनीका १६ लाख ४८ हजार ३ सय ६२ कित्ता शेयर खरिद बिक्रि भएको छ ।  १ अर्ब ४ करोड १३ लाख ९७ हजार ५ सय २५ रुपियाँको कारोबार भएको आज सानिमा बैंकको सबै भन्दा धेरै ४ करोड ५१ लाख बराबरको कारोबार भएको छ ।

नेपाल लाइफ इन्स्योरेन्स, प्रभु इन्स्योरेन्स, प्राइम लाइफ इन्स्योरेन्स लगायत पनि आज बढी कारोबार गरेका छन् ।

कारोबारमा आज आएका समुहगत सूचक मध्ये इन्स्योरेन्स बाहेकका सबै सूचक बढेका छन् । आज ५ कम्पनीको शेयरमूल्य १० प्रतिशतको हाराहारीमा बढेको छ  ।  कावेली विकास बैंकका लगानीकर्ताले धेरै गुमाएका छन् ।